توّا مدة و حكايةالمنظومات العلاجية متاع الكنام ماخذة حظ كبير من النقاشات في مختلف الادارات و المؤسسات المعنية بيها
و بالنسبة لينا ، وقعت في ادارتنا حاجة تثلج الصدر .. مسؤول كامل بطمّ طميمو (و الوصف هاذا متاع طم طميمو يواتيه ،خاطرو:) ضخم و سمين برشة....) مكلف نفسو .. و متنقل بسن الجهات و يدور على الاقاليم و الادارات الجهوية اللي تتبعو..و يفسّر في المنظومات و يشرح ... و ما نعرفش علاش حسيت انو هو بيدو موش فاهم بالقدا ...و يوضّح .. و يعطي في امثلة للموظفين .. و موسّع بالو مع الخدّامه و يراعي في مستويات فهم البعض منهم البسيطة
و الحاجة اللي زادت شيختني .. و حسـّـستني بالسعادة اللي ما بعدهاش .. انو وقت اللي واحد من الخدّامة سألو السؤال التالي : إيه ... و نحنا اش يلزمنا نختارو ؟؟..الراجل كانّو ضربو الضو و تفاجأ من السؤال ..تقولش علينا بعمرنا ما اختارولنا في بلاصتنا .. و الا خذو قرار في بلاصتنا
-لا .. عاد ..توّا هاذا كلام ؟؟ آنا هنا باش نفسّر و نوضّح موش باش نأثّر عليكم و الا نفرض عليكم رايي .. كل واحد و ما يساعدو ..و انتوما تباركلّه كبار و تفهمو .. و تنجوو تختارو بحريتكم بعد ما تاخذو وقتكم مليح ... مليح ...و ناقصو كان باش يكمّل يقرالنا هاك البيان متاع الثامن من ديسمبر و الا شسمو ..تـِ...هاك اللي فيه ..إنّ شعبنا قد بلغ من ندرا شنيّة باش يعمل ندراشنيّه ......إيييه إيييه ...هاذاكا ...
ايّ سيدي على وقع هاك الكلام المعسّل متاع كل واحد يختار اش يحب ... عمك البوهالي اطلق العنان لخيالو ..رغم انو اكثر واحد معني بمتابعة الحديث في هالموضوع .. نزل على فلسة في مخو اسمها : احلام اليقظة ..و كيما في الافلام ..بديت نشوف في هاك المسؤول كشاكشو طالعة .. و نشوف كان في فمو و إيديه يتحركو .. اما مانيش نسمع فيه يحكي على الكنام ..نسمع في صوت آخر يحكي على حاجة اخرى ..يطرح في برامج انتخابية متاع احزاب ..و منظّمات ..و ماعادش اختيار مابين ثلاثة منظومات علاجية .. وليت نشوف فيه اختيار مابين ثلاثة احزاب مترشحين للرئاسة .. رئاسة ايّ حاجة .. نشالة حتى قنارو متاع دجاج ..و المطويات اللي يوزّع فيها علينا .. وليت نشوفلها بيانات انتخابية و دعائية ..و هوّ بيدو .. ماعادش هاك المسؤول السمين اللي جاي يفسّرلنا في منظومات الكنام .. بل ولّى مثلا رئيس لجنة من هاك اللجان اللي يتكوّنو في مدة الانتخابات باش يشرفو على الحملة الدعائية و يضمنو سيرها الطبيعي ..و انا هكاكة في هاك المنامة .. ونحس كان في ايد ضربت على كتفي .. و صوت قالّي . آة ..بوهالي .. اش قررت .. اش باش تختار ؟؟ ا
قتلو : آنا مع الحزب الثاني ... قالّي : - شنيّة ؟؟؟؟؟؟ا
قتلو: - تِـلا ...لا ... نقصد.. باش نختار المنظومة الثانية
و بالنسبة لينا ، وقعت في ادارتنا حاجة تثلج الصدر .. مسؤول كامل بطمّ طميمو (و الوصف هاذا متاع طم طميمو يواتيه ،خاطرو:) ضخم و سمين برشة....) مكلف نفسو .. و متنقل بسن الجهات و يدور على الاقاليم و الادارات الجهوية اللي تتبعو..و يفسّر في المنظومات و يشرح ... و ما نعرفش علاش حسيت انو هو بيدو موش فاهم بالقدا ...و يوضّح .. و يعطي في امثلة للموظفين .. و موسّع بالو مع الخدّامه و يراعي في مستويات فهم البعض منهم البسيطة
و الحاجة اللي زادت شيختني .. و حسـّـستني بالسعادة اللي ما بعدهاش .. انو وقت اللي واحد من الخدّامة سألو السؤال التالي : إيه ... و نحنا اش يلزمنا نختارو ؟؟..الراجل كانّو ضربو الضو و تفاجأ من السؤال ..تقولش علينا بعمرنا ما اختارولنا في بلاصتنا .. و الا خذو قرار في بلاصتنا
-لا .. عاد ..توّا هاذا كلام ؟؟ آنا هنا باش نفسّر و نوضّح موش باش نأثّر عليكم و الا نفرض عليكم رايي .. كل واحد و ما يساعدو ..و انتوما تباركلّه كبار و تفهمو .. و تنجوو تختارو بحريتكم بعد ما تاخذو وقتكم مليح ... مليح ...و ناقصو كان باش يكمّل يقرالنا هاك البيان متاع الثامن من ديسمبر و الا شسمو ..تـِ...هاك اللي فيه ..إنّ شعبنا قد بلغ من ندرا شنيّة باش يعمل ندراشنيّه ......إيييه إيييه ...هاذاكا ...
ايّ سيدي على وقع هاك الكلام المعسّل متاع كل واحد يختار اش يحب ... عمك البوهالي اطلق العنان لخيالو ..رغم انو اكثر واحد معني بمتابعة الحديث في هالموضوع .. نزل على فلسة في مخو اسمها : احلام اليقظة ..و كيما في الافلام ..بديت نشوف في هاك المسؤول كشاكشو طالعة .. و نشوف كان في فمو و إيديه يتحركو .. اما مانيش نسمع فيه يحكي على الكنام ..نسمع في صوت آخر يحكي على حاجة اخرى ..يطرح في برامج انتخابية متاع احزاب ..و منظّمات ..و ماعادش اختيار مابين ثلاثة منظومات علاجية .. وليت نشوف فيه اختيار مابين ثلاثة احزاب مترشحين للرئاسة .. رئاسة ايّ حاجة .. نشالة حتى قنارو متاع دجاج ..و المطويات اللي يوزّع فيها علينا .. وليت نشوفلها بيانات انتخابية و دعائية ..و هوّ بيدو .. ماعادش هاك المسؤول السمين اللي جاي يفسّرلنا في منظومات الكنام .. بل ولّى مثلا رئيس لجنة من هاك اللجان اللي يتكوّنو في مدة الانتخابات باش يشرفو على الحملة الدعائية و يضمنو سيرها الطبيعي ..و انا هكاكة في هاك المنامة .. ونحس كان في ايد ضربت على كتفي .. و صوت قالّي . آة ..بوهالي .. اش قررت .. اش باش تختار ؟؟ ا
قتلو : آنا مع الحزب الثاني ... قالّي : - شنيّة ؟؟؟؟؟؟ا
قتلو: - تِـلا ...لا ... نقصد.. باش نختار المنظومة الثانية
.jpg)
4 commentaires:
خويا البوهالي .. توينك هالغيبة ..
من حسن حظك انو الواحد ما يتحاكمش على احلامو .. سينون نقلّك اش توصّي ؟؟؟ هههههههه
ما عادش تغيب .. مواضيعك راهي طريفة
جات باللطف بالحق والا كان اتحاكمنا على احلامنا اش قعدلنا عاد ؟؟؟ امّا طموح مشرح لازمو شعب نوصيو عليه من بلاصة أخرى ههههههههههههه
توينك يا بوهالي.
توّة مدّة ماقرينالكش.
اليد اللي ضربت على كتفك وفَـيْـقِـتِّـكْ مالمْـنَـامَـة الرّئاسية عـيـب عليها
آما عندها الحق...على خاطر التنقيح الدّستوري الأخير يمنع هاالنوع مِـاالْـمْـنَـاتْ.....في الحلم وفي اليقظة
@ arabicca
@ brastos
@ jaccuze
مرحبا بيكم ..شرفتوني
Enregistrer un commentaire