قـْـــــبَـلْ
كنت متحمس لباارشة حاجات .. نسمع بارشة موسيقى..نهتم بالاخبار .. نخرج وقت نحب .. نمشي للبلايص اللي نحب ..كسكروت..و الدنيا ماشية.. نبات وين نحب .. نصرف شهريتي كيما نحب ..عندي ولع بالشعر .. نبربش على التسجيلات النادرة اللي فيها القاء و قراءة شعر ..نتابع في الاذاعات ..نتدخّل مرات .. مخي ديما حي .. ديما فايق .. ديما لاهي في فكرة .. في قصيدة .. في فازة طريفة ...نعمل في سيناريوات لزملائي في الخدمة ..و نبذل مجودات كبيرة من اجل تفدليكة و ضحكة متاع ربع ساعة ...
و ملـّـي عرّست
و ليت رزين .. رايض .. راكح .. هادي ..ماسط .. اهتماماتي تتلخص في تعمير دبوزة القاز .. و اللفت و السفنارية و البطاطا وفوا من الفريجيدار ولا مازالو ..الياجور بقداش ولّى .. السيمان .. المرمـّة .. ماعادش نحس بحتى طاقة و حتى رغبة في حدّاثة .. تخلويضة .. تبلبيزة .. ضحكه .. هملة .. وليت كيما المسطرة .. كيما الروبو ..معدّل على واجبات نعملهم ..بدون اي روح
ملا حـــالة
11 commentaires:
الروتين اليومى قاتل ...امّا ما نتصورش كان حكيتلنا كل شيء ...ههههههه اكيد النصّ المليان من الكاس خليتو ليك اى ربّي يهنى والفايدة في انك تشارك حياتك مع ناس تفهمك قبل كل شيء
تي يزّينا عاد يا بوهالي ...:):)
لازم انت عندك استعدادات للتغير اللي وقع في نمط حياتك..و في غمرة الفرحة بالعروسة :) نسيت الادب و الشعر ..:)))
و بعد كل شي ..راهو ما ضاع شي
Haak nbeztna hakka arrest et tu ns invites pas!!
Kouya (j'ai pas envie de te dire bouhali hani bech nkollik sabri ala ism le joueur sabri elbouhali :)
bref ya sabri t'as façon d'ecrire est super continue et comme dis Notre grande chateuse fatma bousaha ichtah rabby maak
yezzi 3ada mafama chay khir men kbal kol chay khayeb? lol . rabbi yhanni rahou illi yabda fi na3ma w mayehmedch rabbi yokhroj menha men ghir ma yoch3or.
بوهالي وينك شبيك اختفيت من وقتها؟؟؟
ضاهرلي لمرى قرات البوست وعملتلك شوهة؟؟؟ هههههه
فك عليك وقول يعيش النساء
@ arabicca
شكرا ليك ..
التوافق المطلق ..حلم مستحيل التحقق
@ brastos
ما تخافش يا براستوس .. هاني بديت نفيق على روحي ههههه
@ slouma
شكرا ليك .. اما قول البوهالي .. راهو البسودو هاذا ما يقلقنيش ..مرحبا
@ om youssef
نعرف موش لهاك الدرجة اما ...الروتين .. من غير تجديد ..يقلـّـق
@ 3amrouch
اسف على التاخير في الرد .. عليك و على الجماعة الكل ..
المرة هاذي ال:
virus
متاع البرودة هو السبب ...
هههههه
و موش
virus
آخــر ...
ههههههه
يا ارابيكا شبيها مدونتك ولات مسكرة علينا ؟؟؟؟
بوبو
تعرف التدوينة هاذي قريتها أول نهار كتبتها فيه
لكن توة عمات طلة علي التصويرة ثمة دتاي و هو يدين لعروسة و لعروس.. بصراحة لعروسة ضاهر عندها برشة زايد.. و يديها مهمش فينو بلكل.. حتي لعروس عندكش شعندي.. تي لحاصل لفايدة في الهناء
سلومة
صبري لبوهالي ههه
@ farfar
رغم تني ما فهمتش مليح شنية مشكلتك مع ايدين هالعرايس الافتراضيين في هالصورة الافتراضية .. اما مرحبا بيك .. و ربي يخليلنا الشيخة فاطمة..هههههه ..باش ديما هكة نرجعولها و نستشهدو باقوالها المأثورة .هههههههه
فرفر.. علاش نحيت تعليقك اللي استشهدت فيه بفاطمة بوساحة ؟؟؟
هههههههه
Enregistrer un commentaire