احيانا .. و انا مستلقي.. و فاضي شغـُـلْ..نسرح بخيالي الى قرون لقدام .. كيفاش زعمه باش تولي الدنيا..عمرانها..تكنولوجيتها..فنّها..عقلياتها..وسائل نقلها .. وسائل اتصالها .. الخ ..و هذا لاني من صغري مغروم بكل ما يتعلق بالخيال العلمي ..و نلقى متعة كبيرة في التخيلات اللي من هالنوع .. هكه .. بيني بين روحي
مثلا .. على المستوى الفني .. توصلت لاستنتاج مخطر شوي..نشاله تشاطروني الراي فيه ..
كيما مثلا .. جيل ام كلثوم و اسمهان و عبد الوهاب تعلمو اصول الغناء على اللي قبلهم (سيد درويش..سلامة حجازي .....) و كيما جيل وردة ..نجاة .. فايزة احمد .. عبد الحليم ....تعلمو الغناء على ام كلثوم و عبد الوهاب ...و كيما جيل توّا تأثـّـرو بنجاة و وردة و عبد الحليم....إذا نتبّعو المنطق هذا ..بعد ميا و ميتين سنه..توليش نانسي عجرم و روبي و هيفا هوما الفن الطربي العتيق .. و يوليش شعبولا هو احد شيوخ الطرب الاصيل ...؟؟و يولي عاد الشباب الصاعد وقتها يتعلمو عليهم هوما .. و يقولو ..ياااااااا حسرة على الزمن الجميل .. اللي بالنسبة ليهم وقتها هو زمن شعبولا و من شابهه...و تولي سيدييات و اشرطة هيفا و نانسي تتباع تحت الكنتوارات خاطرها تعتبر وقتها "تسجيلات نادرة"...
و يزيد يهرب بي خيالي لحاجة اخرى في مجال العمران و التكنولوجياو المرة هاذي النتيجة ما كانتش خطيرة اما كانت مؤسفة..و مفادها اننا احنا الامم المتخلفة و الفقيرة و اللي ما زالت لتالي ..احلامنا محدودة..و ما عندناش الحق نحلمو اكثر من الموجود .. و اللي نعتبروه احنا حلم و آتي .. هو الماضي متاع ناس اخرين
يعني اذا لمريكان يشوفو انهم سيطرو على الارض و يلزمهم يحلمو بالسيطرة على الفضاء..احنا .. قد ما نحلمو و قد ما نتخيلو ارواحنا بعد 100 او200 سنه ..نلقوه موجود عندهم هوما توّ .اما هوما عاد وصلولو بطريقة سريعة و بنسق طبيعي ..اما احنا ماظاهرلي ...على خاطر نسقنا بطيء و مشوه و متعثر و متعرقل
مثلا .. على المستوى الفني .. توصلت لاستنتاج مخطر شوي..نشاله تشاطروني الراي فيه ..
كيما مثلا .. جيل ام كلثوم و اسمهان و عبد الوهاب تعلمو اصول الغناء على اللي قبلهم (سيد درويش..سلامة حجازي .....) و كيما جيل وردة ..نجاة .. فايزة احمد .. عبد الحليم ....تعلمو الغناء على ام كلثوم و عبد الوهاب ...و كيما جيل توّا تأثـّـرو بنجاة و وردة و عبد الحليم....إذا نتبّعو المنطق هذا ..بعد ميا و ميتين سنه..توليش نانسي عجرم و روبي و هيفا هوما الفن الطربي العتيق .. و يوليش شعبولا هو احد شيوخ الطرب الاصيل ...؟؟و يولي عاد الشباب الصاعد وقتها يتعلمو عليهم هوما .. و يقولو ..ياااااااا حسرة على الزمن الجميل .. اللي بالنسبة ليهم وقتها هو زمن شعبولا و من شابهه...و تولي سيدييات و اشرطة هيفا و نانسي تتباع تحت الكنتوارات خاطرها تعتبر وقتها "تسجيلات نادرة"...
و يزيد يهرب بي خيالي لحاجة اخرى في مجال العمران و التكنولوجياو المرة هاذي النتيجة ما كانتش خطيرة اما كانت مؤسفة..و مفادها اننا احنا الامم المتخلفة و الفقيرة و اللي ما زالت لتالي ..احلامنا محدودة..و ما عندناش الحق نحلمو اكثر من الموجود .. و اللي نعتبروه احنا حلم و آتي .. هو الماضي متاع ناس اخرين
يعني اذا لمريكان يشوفو انهم سيطرو على الارض و يلزمهم يحلمو بالسيطرة على الفضاء..احنا .. قد ما نحلمو و قد ما نتخيلو ارواحنا بعد 100 او200 سنه ..نلقوه موجود عندهم هوما توّ .اما هوما عاد وصلولو بطريقة سريعة و بنسق طبيعي ..اما احنا ماظاهرلي ...على خاطر نسقنا بطيء و مشوه و متعثر و متعرقل
هاذيـّـه عاد الزبالة العالمية
11 commentaires:
هههه
حلوة هاذي هه
اما راهو ما يقعد في الواد كان حجرو
:)
ههه...اكيد يا فرفر .. ما تبقى كان الحاجة اللي على قاعدة صحيحة ..
مرحبا بيك
نحب نعتذر من ارابيكا عمروش براستوس jaccuze , honny tounsi
على اني اضطريت نحذف الاغنية متاع فيروز واللي هوما علقو عليها تعليقات مزيانة كيفهم ....
آسف يا جماعة .. راهي رزنتلي البلوق شويّة
بربي حتى كان ثقلت عليكم ههههه ... ممكنشي واحد من لوخيان يفسرلي كيفاش نعمل :
view recent visiters ..
مع الف شكر
wallahi Rabbi yehdike fi hal pseudo akh bouhali, tjini th9ila n3ayetlek bihe :)
tawa na3tike pseudo men 3andi, bobo ahawka tarbija mta3 bouhaili hh
bon , wbike 3aychek :)
esma3 pr la chanson ma karekch na77it8a pr la simple raison elli hia mattha99alch leblog , thamma ken le lien chez toi et hia ebergé fi site wa7daikher ..dc essite mtai3ek th9ile normalement kestion connection ni plus ni moins :)
second, pr les view reecent visitor et autre de ce type , la kestion est simple emchi dima lelsite en kestion tel9a fou9ha le lien, o93ed lawej wahdek, tawa tel9a widget haja hakka, ya3tiwek code, t7ottou fel blog mtai3ek, ca se passe tjs comme ça :)
aya ta7iyaiti :)
لا يا فرفر ..ما تستثقلهاش .. انا راني سميت روحي هكاكه رمزيا .. خاطر هكه ديما ينظرولي ..لذلك انا حبيت نحافظ على الاسم و نثبت العكس ..على كل .. انت حر .. اذا استثقلتو ..فهذا من حسن اخلاقك .. اما انا راهو ما يقلقنيش ..
نشكرك على انك جاوبتني .. و نشالة نوصل لنتيجة
صديقي
اجابة على كيفاش اتحط الرابط متاع زوار المدونة انا راهو اعظم منك اما لولا اصدقاء مختلفين عاونونى رانى انعانى ولذلك احلت اوراقك للصديق البرباش وتوة يجاوبك خير منى ههههههه شكرا للتعليق ومرحبا بيك ديما
خويا العزيز...
بش تنجم تحط الليستة متاع العباد اللي دخلولك للبلوغ متاعك
Recent Readers (MyBlogLog)
تنجم تقرى الفيشيي اللي بش تلقاه في الرابط هذا
http://barbach78.googlepages.com/MyBlogLog.pdf
غير وسّع بالك معاه كيف ما وسّعت انا بالي و قعدت نكتب فيه...
لو كان ما فهمتوش، ننصحك فك عليك ههههههه
مع تحياتي
@ arabicca et barbech
:):):):):):):)
يعطيكم الصحة .. ماوسع بالكم ..
الله غالب .. جديد .. ونافح
ههههههه
نهاركم زين
هيا مبروك عليك الليستة الجديدة
أنك جديد، مش مشكل... الكلنا جدد محسوب، الفايدة كيف تلقاك نافح... شد صحيح
ظهرت تلميذ نجيب ؟؟:):مش هكه ؟؟؟:)
Enregistrer un commentaire