ولـد الـدولــة

كانت الزبّالة..الكبيرة و الصغيرة.. تشوف للمعاق من برشه وجهات نظر
يا إمـّــا تتمسخر منو..إينعم..يعني ..هيّا نعملو عليه جو ...هيا نشيخو عليه شوي
يا إمّا مصدر دعاية..يعني يعاونو و يحكي للناس ..باش يظهر عاد هو طيب... و محبوب...و يعاون المحتاجين ..و محلاه
و يا إمّا مصدر لإثارة الشفقة ..و التـّــسـْخـيــف...و استعمال إعاقتو للتسوّل
هالحالات الكل عاشهم البوهالي
و البوهالي ..وقتها جاه احساس اللي عايلتو فرحانة بإعاقتو ..خاطرها مـُـدِرّة للإعانات
و سمعت بابا مرة يقول : مادامو معاق ، هو ولد الدولة
و امي كانت اكبر مستفيدة من اعاقتي..خاصة وقت اللي تسحبني معاها للمعتمدية..و الا للمشيخة..للمسؤولين عموما..و كانت في لحظة وقوفها امامهم تحس فيّ انا دعم..دعم كبييييير..اكبر حتـّـى من "لكتاف" و كانو المسؤولين يستجيبو..و اكيد يمشو من بعد يحكو و يعملو الدعاية لارواحهم بيّ انا ..
و لاهيّ لا هوما ..فكرو في الجانب النفسي متاعي لحظتها

تِــبـْـــكـُـلـّــها زبـّـاله و بـرّه